نصيحه لكل البنات

نصيحه لكل البنات

نصيحه لكل البنات
نصيحه لكل البنات

البنت : ايه ده انت عايز تتجوزني بـ 30 جرام دهب بس ؟؟

الولــد : حبيبتي قيمتك مش في الدهب انا لو معايا هجبلك الصاغه كلها

البنت : مش شغلي انا خطيب اختي جابلها 100 جرام وانا مش اقل منها

الولــد : حبيبتي هو ربنا مديله وجاب لأختك انا ربنا لما يديني هجبلك اكتر كمان

البنت : حتي لو انا وافقت بابا مش هيوافق

الولــد : وايه دخل بابا في الموضوع .. دي حاجه بيني وبينك ولو اتفقنا عليها خلاص هو انا هتجوزك انتي ولا هتجوز باباكي

البنت : بس 30 جرام قليل جداااااااااا

الولــد : واللهي لو اقدر اجيب اكتر هجيب ... انا بحبك وده اللي اقدر عليه دلوقتي

البنت : طيب الشقة مساحتها صغيره اوي دي 70 متر بس

الولــد : احمدي ربنا ان فيه شقة ده انا صاحبي متجوز وقاعد مع ابوه وامه

البنت : وهو انت هتشبهني بمرات صاحبك ؟؟

الولــد : مالها مرات صاحبي .. البنت حبته وخادته علي ظروفه واول ماربنا مايكرمه هيعوضها كل الايام الصعبة اللي اتحملتها معاه

البنت : طيب ماعلينا من الـ 70 متر .. موضوع بيت عيله ده استحاله

الولــد : ياحبيبتي دلوقتي اقل شقة بـ 100.000 جنيه وانا مش معايا غير 30.000

البنت : خلاص ندفعهم مقدم وناخد شقة ايجار

الولــد : شقة ايجار ومقدمها 30.000 مش هتكون اكبر من 70 متر

وكمان هندفع مايه ونور وايجار واسانسير وزباله و و و و و الموضوع هيدخل في 700 جنيه كل شهر

وانا مرتبي كله 1000 هل 300 هيوكلونا ؟؟ انا وانتي هناكل بـ 10 جنيه كل يوم ؟؟

البنت : مش مهم المهم مقعدش في وش ابوك وامك

الولــد : وانتي مالك ومالهم انتي في شقتك وهما في شقتهم

البنت : ده كلام .. بكرة امك تطلع تقعد علي قلبي وتقعد تعد خطواتي رايحه فين وجايه منين وهتقيد حريتي ومش هبقي علي راحتي

الولــد : ياستي هي هتبقي في شقتها وانتي في شقتك ولو في يوم حبيتي تسلمي عليهم انزلي اقعدي معاهم شوية واطلعي تاني علي شقتك .. وبعدين انا هطمن لما اكون في شغلي وسايبك في نفس البيت اللي فيه ابويا وامي علي الاقل هياخدوا بالهم منك في اي وقت .. بدل ماسيبك في عماره معرفش مين فوقينا ومين تحتينا

البنت : يعني ابوك وامك اللي هيعضوا الحراميه وهيضربوهم ؟؟

الولــد : انتي بتحبيني ولا لا ؟؟

البنت : ايوه يا بيبي بموت فيك كمان

الولــد : طيب انا ظروفي متسمحش غير اني اجيب 30 جرام دهب وشقتي 70 متر وفي البيت مع ابويا وامي

البنت : سبني افكر وهتصل بيك

بعد مرور ثلاث ايام

الولــد : ها يا حبيبتي اكيد مش هتقدري تستغني عني صح

البنت : للأسف مش هقدر .. دي حياتي اللي هعيشها معاك اكتر من اللي عشتها مع ابويا وامي ولازم اختارها بعنايه شديده .. انا اسفه

الولــد : يعني ايه ؟؟ هتضحي بحبي علشان شوية ملاليم ؟؟

البنت : صدقني مش ملاليم دي حياه ولازم تترتب صح من البدايه

الولــد : ربنا يبعتلك اللي يصونك اكتر مني ويلبسك الدهب من صباعك لرقبتك

فات شهر .. كمان شهر .. وصاحبنا شاف بنت رضيت بقليلها ورضيت بظروفه وخطبها واتجوزها علي وضعه ده

فاتت سنه وكمان سنه وصاحبتنا لسه عماله ترفض علشان لسه ملقتش اللي يلبسها الدهب لحد رقبتها

فات كمان كم شهر وصاحبنا مراته بقت حامل وجبتله احلي بنوته ملت عليهم حياتهم

فات سنة وكمان سنه وبقي مجموع السنين اللي فاتت من بعد الفراق 4 سنين

وصاحبتنا لسه مستنيه الفارس الذهبي

وفي الاخر خافت يفوتها قطر الزواج ... خدت واحد اكبر منها بـ 12 سنه اهو ضل راجل ولا ضل حيطه ( ده ان لقتيه اصلا في الزمن الجميل ده )

مفيش توافق ولا اتفاق علي حاجه واشتراها بفلوسه .. يضربها ويشخط فيها وهي كاتمه وصابره ومستحمله ...

ظروفه الماديه احسن من حبيبها ... بس هل بفلوسه قدرت تشتري الحب ؟؟؟ قدرت تشتري الحنان والتفاهم ؟؟؟ قدرت تشتري كرمتها ؟؟؟

معتقدش

فكري براحه وعلي مهلك واحسبيها صح ... دي حياة نفسيه مش حياة ماديه

----------------------

تصنيف : معلومات عامه